Çумăр

Пăт-пат турĕ тӳперен,
Хура-хура пĕлĕтрен,
Пăтăр-патăр пуçланчĕ,
Чăш-чаш çума пуçларĕ.

Йăлтăр-ялтăр çиçтерчĕ,
Кĕмсĕрт-кемсĕрт тутарчĕ,
Шăтăрт-шатăрт илтĕнчĕ,
Ян-ян! сасă саланчĕ.

Чĕреслетме тапратрĕ,
Кассăн-кассăн вăйланчĕ,
Шыв юхтарма пуçларĕ,
Урам тăрăх юхтарчĕ.

Иртсе кайрĕ пĕлĕчĕ,
Тӳпе каллех уçăлчĕ —
Чупса тухрĕç ачасем,
Янăрарĕç кулăсем.

Шăнкăр-шăнкăр шывсене
Чăмпăл-чăмпăл тутарчĕç.
Чапăл-чапăл сирпĕтрĕç —
Çара уран чуптарчĕç.

Шăй-шай ача сассипе
Шăв-шав тăрать таврипе.
Вăш-ваш куçса чупнипе
Вăйă-кулă пулнипе.

15.10.2019
07:05