Шăплăх тăрать ирхине,
Тăм та ӳкнĕ çĕр çине,
Çăра вăрман кĕркунне,
Вылять тĕрлĕ тĕспеле.
Çӳллĕ ватă йывăçĕ,
Ӳкнĕ урлă çул çине —
Пысăк кăна тымарĕ,
Кăнтса тăрать тӳпене.
Ача сасси илтĕнет,
Сасă çывăхран килет:
Хыттăн кăна çухăрать!
Чĕрене пырса тивет!
Пăхрăм сасă еннелле —
Чăн та пулĕ тĕлĕнме:
Шăши çыртнă шăлĕпе,
Сĕтĕрет вăл шапана!
Икĕ чунĕ çапăçса,
Пайлаймаççĕ шăтăка!
Шапана çавăрттарать,
Лешĕ аран хускалать!
Ытла сиввĕ пулнăран,
Лӳппер кĕнĕ шăтăка.
Анчах хуçи хăраман:
Тытса ывăтнă ăна!
15.09.2018
Вуланă:96
Килĕшнĕ сăвăна ытти çынсене ярса пама пулать. Тавтапуç сире!
Ирӗклӗ пулӑшу.
Эсир манӑн пултарулӑха пур енчен те пулӑшма, хӑвӑр кӑмӑлланине палӑртма, сайтпа телеграм-канала пахалӑхлӑ тытса пыма укҫа-тенкӗ пулӑшӑвӗ ирӗклӗ пама пултаратӑр.
