Уйăх

Çутă уйăхлă каçсем,
Чĕрене хускатакансем,
Хĕр-каччăсен туйăмне,
Хускатса яракансем!

Хамăр вăрăм ĕмĕрте,
Çамрăк пулса курман-и?
Çиçсе тăран куçсемпе,
Пĕр-пĕрине пăхман-и?

Çунса тăран тутасем,
Пĕр-пĕринпе пулман-и?
Вĕри кăна туйăмсем,
Пире çунат хушман-и?

Çутă уйăх, çут хĕвел,
Пире вăйсем паман-и?
Пурнăç илемне вĕсем,
Пире курма хушман-и?

Вăйлă, таса туйăмсем,
Вĕсем пире паман-и?
Çут тĕнчене килнисем,
Ăшă кунсем сĕнмен-и?

Эсир ытла çӳлтисем,
Пире манса кайман-и?
Каçхине пĕрле тухсан,
Пирĕн сăнна паллат-ри?

Çутă уйăх, çăлтăрсем
Çавах çӳлтен пăхаççĕ —
Ăшă, вĕри туйăмсем,
Хĕр-каччăсем туяççĕ.

27.08.2018