Студент çулĕсене аса илни.

Вунă сехет çитеспе
Сылтăм енчи сукмакпа,
Çамрăкĕсем хускалчĕç,
Çӳле ухма шутларĕç.

Кунĕ лăпкă, хĕвеллĕ,
Пурте ухма тĕллевлĕ —
Илчĕç ĕçсе-çимелли,
Кăмăлсене уçмалли.

Илтĕм йывăр рюкзакне,
Хутăм çурăм çинелле,
Çӳле ухса çитиччен
Тыттармарăм тахçанччен.

Утрĕç, утрĕç тăвалла
Тачă, çӳллĕ вăрманпа —
Лекрĕç тăвăн хушшине,
Пĕлеймерĕç ăçтине.

Тăтăм мала хальхинче,
Илтĕм сылтăм енннелле.
Чулсем каллех пуçланчĕç,
Çилсем вĕрме пуçларĕç.

Савăк, лайăх кăмăлпа,
Кĕтсе илчĕ çак тӳпе:
Уçрĕ таври илемне,
Ытарайми пулнине.

Çурçĕ енче, катара,
Пысăк кӳлĕ курăнать —
Тăрăхларах лаптăкĕ
Ун çинчен пĕлме сĕнет.

Кăнтăр енчи тăвĕсем
Тачă-тачă ларнисем,
Инçетелле каяççĕ,
Вĕçсĕр-хĕрсĕр курнаççĕ.

Чунăм вĕçет уçлăхра,
Чĕрем тапать вăйпала!
Савăнатпăр, йăл кулса,
Пĕр-пĕринпе калаçса.

Пысăк, çирĕп çул çине,
Лăп тăрринче выртнине,
Çапса пуртă тăршипе
Çырайрăм «ЧГПИ».

«Çитмĕл пĕрремĕш» çулне
Çыртăм хытă чул çине.
Сăн ӳкерчĕç айккинчен —
Пăхап ăна халиччен.

Уçрĕç «Шампань» эрехне!
Паллă турĕçĕ кунне:
Çырчĕç камсем пулнине,
Хучĕç кĕленче ăшне.

Çакă пысăк чул айне
Хучĕç ăшшăн майласа —
Кам та кам унта пулсан,
Илсе пăхăр кăларсан.

Килсе курăр кунталла,
Хăвăр пурнан пурнăçра.
Урал урлă Азине,
Курма унăн хăватне.

19.11.2019
17:51