Пӳрчĕ тулли çынпала,
Картишĕ те йышпала:
Халĕ кăна пытарнă,
Кунта ӳснĕ пĕр çынна.

Сĕтел тулли апатне,
Хунă тутлă пулнине,
Тĕрлĕ-тĕрлĕ çимĕçне,
Лартнă асăнса çиме.

Хуçăк пулнă кăмăлсем
Йăлапа ĕçне тусан —
Асăннă тăван çынсем,
Сĕтел хушшине ларсан.

Шăв-шав сĕтел хушшинче,
Арçын турă аллинче!
Какай татки карланкне,
Кĕрсе ларнă инкекне.

Кăвакарать, туртăнать,
Кĕлеткипе вылянать,
Ик хĕрарăм ик енчен,
Тытса лартнă аллинчен.

Хускалма ăна памаççĕ,
Пулăшма вара хăраççĕ —
Юнашар ларан çынсем,
Тарчĕç айккине вĕсем.

— Чĕнĕр хăвăрт «скорыйне!» —
Кăшкăраççĕ пĕрисем.
Хаклă кунта секундсем,
Вăхăт çук ăна кĕтме!

Хăвăрт пытăм хыçалтан
Тытрăм ăна хырăмран —
Чăмăртаса вăйпала,
Кăшт çĕклерĕм çӳлелле.

Хутăм айккăн урайне,
Уçрăм унăн çăварне:
Тухнă иккен ун пăкки,
Чăмланман какай татки.

Кăвакарнă тутисем,
Кăвакарнă чĕрнисем,
Пичĕ пулнă çĕр тĕслех,
Чунĕ пултăр ун чĕрех!

Унтан-кунтан хускатсан,
Пускаласан кăкăртан,
Майĕ пулчĕ савăнма —
Вăл пуçларĕ сывлама.

Хучĕç вырăн çинелле,
Тăна кĕме, вăй илме.
Тепĕр виле пуласран,
Турри сирчĕ майĕпен.

19.01.2019