«Ял ĕçченĕ» хаçатра пичетленнĕ, №10456.

Иван Павлович Середа — совет офицерӗ, Тӑван Ҫӗршывӑн Аслӑ вӑрҫине хутшӑннӑ ҫын, Совет Союзӗн Геройӗ.
Вăрçăра чăн пулса иртнĕ мыскара.

Пĕчĕк кăна вăрманта,
Повар Иван Середа,
Тутлă, техĕмлĕ пăтта,
Пĕçернĕ пит тăрăшса.

Шăпах çакă вăхăтра
Нимĕç килнĕ тапăнса —
Пурте чупнă талпăнса,
Çитсе ӳкме окопа.

Кĕтмен çĕртен, çырмаран,
Сиксе тухнă икĕ танк.
Пĕр пуçтахĕ сĕмсĕрле,
Пынă пăтă çинелле.

Нимĕç, танк башни çинчен,
Куç хывнă кухня çине,
Кулкаласа çийĕнчен
Хĕтĕртнĕ шалтисене.

Çакна курнă Середа —
Пуртă тытнă тарăхса,
Сиксе тухнă шăмарса,
Пурттипеле хăмсарса.

— Эп пĕçернĕ вĕт пăтта,
Юлташсене çитерме,
Эсир, мурсем, халь тата,
Ас тивесшĕн пирĕнне.

Кăтартататăп эп сире,
Пĕррех парăп пуртăпа!
Туххăм çитнĕ танк патне,
Нимĕç хупнă хăй люкне.

Пулеметран таврана,
Пĕрĕхтернĕ вут-хĕмне.
Повар курнă та çакна,
Çирĕп тытнă пурттине.

Пулеметăн кĕпçине
Авса хунă пурттипе,
Брезента алла илсе,
Витсе хунă хушăкне.

Пурт тăршипе пур вăйран,
Тытнă вăйлăн шаккама:
«Хенде хох! Эй, Гансиксем!
Тухăр сиксе, нормансем!»

— Гранатăсем хăвăртрах:
Илсе килĕр ытларах!
Сирпĕнтерер сывлăша,
Кайччăр пурте тамăка! —

Кăшкăрашнă таврана
Нимĕçсене хăратма —
Лешсем кĕçех анраса,
Сиксе тухнă тулалла.

Повар хăраса тăман,
Нихăçан та аптраман:
Тухнă май нимĕçсене,
Çыхса пынă вĕренпе.

Салтаксем çапăçуран
Кĕçех килнĕ апата —
Кунта мĕнле мыскара?
Мĕн курăнать-ха куçа?

Пăтă тăнă пăсланса,
Танкĕ ларнă витĕнсе,
Тăват нимĕç чĕтресе,
Пăхнă салтаксем çине.

30.04.2019