Чăн пулнă

Хĕл тустарнă тăманне,
Çул пулман ялсем патне —
Çуна çулĕн ансăр йĕрĕ,
Йăлт витĕннĕ юрпала.

Ирĕксĕрех уйпала,
Утнă майсăр çулпала,
Тапăлтатнă вăйпала,
Ĕçе çитме вăхăтра.

Ĕçрен тухнă каçпала,
Утнă киле хăраса.
Çуна çулĕ кăшт кăна
Паллă пулнă уйăхпа.

Çилĕ вĕрнĕ вăйпала,
Хăлха тулнă унпала.
Юрĕ хăйăр майлăлла
Ыраттарнă куçăма.

Çил-тăманĕ шăхăрса
Вăй вылянă ахăрса.
Халтан янă тарăн юр,
Вăя илнĕ апай-тур!

Çилĕ тухнă витĕрех:
Пăхса тăман тум-тирех.
Сивви шăнтнă ай-турах!
Шатăртатнă вăйлăрах!

Çын çухалнă ăнсăртран
Кăштах хыçала юлсан —
Турри сиртĕр инкекрен,
Çуна çулĕ пулмасан.

Тĕрлĕ-тĕрлĕ ĕçпеле
Атте ларнă çĕрĕпе,
Керосинкăллă лампа
Кĕрешетчĕ тĕттĕмпе.

— Сас пулмарĕ-ши кăштах? —
Ыйтрĕ пирĕнтен атте,
— Чим-ха, пăхам-ха тухсах
Картиш чӳречи патне.

Унтине пĕлме-пăхма
Атте тухрĕ тулалла.
Вăхăт иртсен, кăшт кăна,
Илсе кĕчĕ пĕр çынна.

Тумтирĕсем юрпала,
Чĕлхи çĕтнĕ калаçма,
Хывăнтарнă вăхăтра —
Юрĕ тухрĕ пĕр витре!

Атте пачĕ хăй тумне,
Вĕри сăмавар чейне,
Çемçе ăшă кĕрĕкне,
Сарса хучĕ ун айне.

Анне кăмака çумне
Çакрĕ шăннă тумтире.
— Лăпкă çывăр, ан чирле,
Ачусем кĕтеç килте.

— Сирĕн çутă пулмасан,
Эп пĕтеттĕм, тупата!
Итем енчен, инçетрен,
Килсе кĕтĕм кунталла.

Ĕлĕк пулман çулĕсем,
Пулман кирлĕ çутăсем:
Йывăр лекнĕ çӳреме,
Кирлĕ çĕре ĕлкерме.

Халĕ çĕнĕ пурнăçра
Маннă йывăр вăхăта,
Йывăр мар çул çӳреме,
Çирĕп лайăх çулсемпе.

Лайăх асфальт çийĕпе
Машинăпа вĕçтерен,
Руль умне кĕрсе ларсан,
Хăвалатăн «сиккипе»!

Ĕлĕк сехетпе утни,
Халĕ минутпа кăна.
Хушса сире калам-и?
Кайтăр пăтăрмах тени!

17.08.2018