Спортлагерь, 1969 çул

Эх, чупатпăр малалла,
Хырлă-хырлă вăрманта:
Каннă кун, Торфяннойне,
Кайнă мунчана пурте.

Унта кĕчĕç боксерсем,
Тар юхтарччĕç нумайччен —
Час тухмаççĕ, пĕр кĕрсен,
Канçĕрлеççĕ виçисем!

Çапса яран милĕкпе,
Массаж тăван кирлине?,
Пулăшатăн вĕсене,
Çухатма виçисене.

Часах тепĕр эрнерен
Çитрĕ-килчĕ Валерьян,
Вăйлă спотсмен пулнăран:
— Олимпийский чемпион!

Килчĕ фотограф кунта,
Вăл ӳкерчĕ ушкăна:
Тренерсем, чемпионсем,
Лекрĕç ĕмĕре вĕсем!

Хăвăрт ишен кимĕпе —
Лартрĕç-карĕç пĕр ирпе,
Утрав çине аната,
Пулăçсем патне канма.

Пĕчĕкрех пулăсене,
Пĕрин хыççăн теприне,
Пĕçереççĕ хуранта
Ярса виçĕ ушкăна.

Çăралсассăн яшкана
Пĕçереççĕ малалла:
Мĕн яраççĕ-ши унта,
Пулчĕ вăрттăнлăх кунта.

Сухан, ыхра çӳлçисем,
Тĕрлĕ-тĕрлĕ курăксем,
Пăсланаççĕ хурансем,
Илĕртеççĕ шăршисем.

Ларнă сывласа аран,
Хырăм ытла тулнăран!
Ун пекех çисе курман,
Урăх ун пекки пулман!

Манма йывăр пурнăçра
Вăл асамлă вырăна:
Витĕнчĕç вĕсем шывпа,
Вăйлă пысăк Атăлпа.

Тĕрлĕ пысăк çыннисем,
Канчĕç пĕрле пирĕнпе,
Çамрăк кăна гитарист,
Тĕлĕнтерчĕ юррипе?

Юлчĕ юрă пуçăмра
Паян кун та асăмра…
Вăйлă пулнă сăмаххи,
Хитре пулнă ун кĕвви:

«Вновь лечу над проклятой Землей,
Гермошлем захлопнул на ходу.
Мой Фантом, стрелою белой,
Над планетой ошалелой,
С ревом набирает высоту!»

16.08.2018