Килчĕ утăран атте,
Тăварчĕ ĕçчен лашине,
Утлантарчĕ ун çине,
Ячĕ тапăра кайма.

Тĕттĕмленнĕ урамра,
Куçсем тытăннă вара,
Пырап ларса, çыпçăнса,
Чĕркуççипе хĕстерсе.

Ман айĕнчи ĕçчен чун,
Юрттăпа пырать чупса.
Тăп!-чарăнчĕ, тупата!
Кĕтмен кун пек пуласса!

Пĕр сисмесĕр, аялла,
Вĕçсе антăм çĕрелле!
Ӳкрĕм çĕр çине анса,
Ларап аран сывласа!

Пĕç тĕпĕнчен ыратать,
Чавсара та сăрлатать!
Ман умра кĕсре тăрать —
Тутисемпе сĕртĕнеть.

Ыйтнă пекех каçару,
Манăн çинелле пăхать:
Шурă хаçат сарăлса,
Çулăн варринче выртать!

Ăнсăртран ăна курсан,
Тăпах чарăннă чĕрчун!
Каçхи куçа мĕн тăван?
Ирĕксĕрех шикленен!

Илтĕм йĕвенне хывса,
Ятăм ăна ирĕке.
Хăйĕн тапăрĕ патне,
Чупрĕ кăна савăнса!

19.09.2018