Арăм хытă кăшкăрать,
Мана пыма йыхăрать.
Чупса пытăм унталла,
Пăхкалатăп кунталла.

Тĕксем вĕçнĕ пур енне —
Йыт тулланă пулмалла,
Сарă тĕксем тавралла,
Чăххи курăнмас вара.

«Хам!» вĕреççĕ йытăсем,
Хăратасшăн йĕксĕксем.
Тарчĕç пурте айккине,
Çывăх тĕмсем патнелле.

Тухрĕ хуçи аптраса,
Пирĕн çинелле пăса:
«Пирĕн мар вĕсем!» — тесе,
Çылăха кая сирсе.

— Кĕр çитсессĕн таврана,
Тухма хăран урама:
Курман, илтмен йытăсем,
Чупкалаççĕ тĕрлисем.

Пысăк ялăн хĕрринче,
Вăрăм çулăн çумĕнче,
Вырăн автобус валли,
Унтах анса юлмалли.

Йыттисене хăшĕсем
Канаш енчен килнисем,
Хăвараççĕ антарса,
Ют çĕрелле пăрахса!

Çак хĕрарăм патнелле,
Унăн пӳрчĕ çывăхне,
Пынă вĕсем çĕр каçма,
Йывăрлăхран çăлăнма.

Пилĕк йытă пурăнать,
Сасă кĕрлесе тăрать —
Халăх хăраса утать,
Унта-кунталла пăхать.

Мĕн тумалла вĕсемпе?
Шухăш тупар кирлине.
Ирĕк паман вĕлерме,
Пăшалтан тӳрех пеме.

12.10.2019
00:02