Спортлагерь, 1969 çул
Порфирьев Эдик боксер каланă тăрăх

Пĕчĕк çăмăл çамрăка
Хĕссе хунă çурмалла:
Çӳлли, вăрăм пĕвĕпе,
Авса хунă çĕр çумне.

Чăт-ха эсĕ мăшкăла —
Пысăк кăна чышкăна!
Тапаланнă аялта,
Вĕри кăна чунпала.

Вăхăт иртнĕ малалла,
Хирĕç пулнă пурнăçра.
Турник çинче вăй виçме
Сĕнӳ панă тепĕрне.

— Кам ытларах туртăнать,
Çавă вăйлăрах пулать!
Лешĕ хирĕçех пулман,
Вăйне виçме хăраман.

— Анчах туртăн-ха малтан,
Эпĕ пулăп сан хыçран!
Килĕшеççĕ хайхисем,
Парăнма пĕлменнисем.

Чăтăм çитнĕ май таран
Лутра çынни тăрăшать.
Туртăнать те туртăнать,
Шутласа кăна тăран.

Турник çинчен вăл ансан,
Хăйĕн вăйне кăтартсан,
Ку ĕçе тепри пуçлать:
Пĕтĕм вăйне пуçтарать.

Тавлашу вăл тавлашу,
Тепĕр тĕрлĕ харкашу.
Мĕнле халĕ парăнан,
Вăйна кăларса хуран?

Вăл туртăнать хашкаса,
Юлашки вăйне пухса!
Парăнма вăл хăнăхман,
Йывăрлăхран хăраман.

Вăйĕ пĕтнĕ, ал чĕтрет,
Сывлăшĕ аран çитет!
Аран-аран туртăнса,
Тăрать унта çакăнса!

Кĕтмен çĕртен аялтан,
Хăвах пĕлен, хырăмран,
Турса парать чышкăпа,
Пĕчĕк боксер вăйпала.

Лăчах ӳкет пысăкки,
Чĕрĕп пекех хутланса!
Выртать халĕ анраса
Хăйĕн ятне те манса!

Кам çĕнтернĕ-ши кунта,
Тăрать пĕри шутласа?
Ку çĕнтернĕ вăйпала,
Тепри илнĕ ăспала!

21.11.2018