Чăн пулса иртнĕ камит

Çуллахи шăрăхсенче,
Кĕске кăна каçсенче,
Хĕрӳ утă вăхчинче,
Пулса иртрĕ çак тĕнче.

Вăйлă çитĕннĕ люцернă
Анлă колхоз хирĕнче,
Çăлнă кунĕпе косилкă,
Çуллан ăшă кунĕнче.

Кăштах выртсан, кушăхсан,
Çĕр çумнелле лапчăнсан
Хăвăрт тавăрнă типме,
Хатĕр пулнă тиеме.

Шăрăх хытă çунтарать,
Çулçи хытă тăкăнать!
Ирпе килнĕ тиеме,
Лавсе хунă нӳрĕлле.

Курăнсан кăвак çутти
Кӳлнĕ лашана ватти.
Люцернăна тиесе,
Кайнă фермăна илсе.

Дояркăсем утăна
Купаланă капана.
Фермăсенчен инçе мар,
Çӳллĕ капансе курар.

Пĕр ирхине Микула
Пычĕ хĕрсене вăрçма.
Шăлавар, резинкăлли
Пулнă пить хура тĕсли.

Хĕрарăмĕ шухăскер,
Вăрттăн пычĕ харсăрскер —
Унăн çӳхе йĕммине,
Туртрĕ-хучĕ кĕтменни!

Çара кутлă хуçана
Тĕртсе ячĕ айккине!
Ытти хĕрсем савăнса,
Ухса выртрĕç ун çине!

Мĕскĕн Микуль ахлатса,
Ячĕ хыттăн кăшкăрса!
Тытрĕç ăна «çумлама»
Вăйлă, хитре алсемпе!

Кайрĕç хăвăрттăн тăрса,
Хĕрсем урăх вырăна.
Аран тăчĕ Микула,
Шăлаварне тăхăнса!

Дояркăсен аллисем
Ялан ĕçре пиçнисем,
Ир те каç сăвакансем,
Çирĕп шăнăрлă вĕсем!

Çак начальник çйĕнчех
Йăвашланчĕ çынпала,
Ăшшăнрах та, çепĕçрех
Çынпа пулчĕ малалла.

Сĕтне илме пуçласан
Меркăпа виçме тăрсан,
Ытла çывăх вăл пыман —
Сивĕ сăмах каламан.

Ытла хытă сăмсуна
Ан çĕкле эс, каçăртса!
Хăвăрт кăна вырăна
Лартĕç сана халăхра!

24.10.2018