Курмалли питĕ нумай,
Пĕлмелли те нумай:
Тĕлĕнмелли сăртусем,
Тĕлĕнмелли вăйусем.
Казахстан енче Белуха,
Виçĕ пуçлă та пит çӳллĕ —
Пăрлă унăн тăррисем,
Турă майлă ячĕсем.
Мĕн авлтан-ĕлĕкрен
Çынни пынă инçетрен:
Тĕрлĕ инкеке сирме,
Сывалма та вăй илме.
Арçын ухсан ун çине,
Тухнă пулнă пит чапа.
Хĕрарăм ухсан çӳле,
Кĕçех пулнă ачапа.
Тĕнче варри ку тӳпе —
Питĕ кăсăклă пĕлме!
Виçĕ океан кунтан
Пĕр виçеллĕ инçетрен.
«Орионри» çăлтăрсем
Тата сăртăн пуçĕсем,
Пĕр пек ларнă вырнаçса,
Пĕр пĕрин çине пăхса.
05.12.2019
Вуланă:124
Килĕшнĕ сăвăна ытти çынсене ярса пама пулать. Тавтапуç сире!
Ирӗклӗ пулӑшу.
Эсир манӑн пултарулӑха пур енчен те пулӑшма, хӑвӑр кӑмӑлланине палӑртма, сайтпа телеграм-канала пахалӑхлӑ тытса пыма укҫа-тенкӗ пулӑшӑвӗ ирӗклӗ пама пултаратӑр.
