Хĕрĕм ачипе ларать:
Савса тĕнчене пăхать,
Анне пекех туйăнать,
Чунăма хумхантарать.

Аса илеп аннене,
Ăслă, хаклă çыннăма!
Çичĕ ача амăшне,
Пирĕн телей хĕвелне.

Анне вăйĕ пурнăçра,
Питĕ вăйлă, тупата —
Ялан ăшăтать чуна,
Çĕклентерет кăмăла.

Килте чупаçç ачусем,
Хăв çуратса янисем,
Патвартан патвар вĕсем,
Кăкăрпа вăй илнисем.

Кирлĕ чун ăшши ялан:
Пысăкран та пĕчĕкрен,
Пайсăр пĕрне хăварман,
Никама та уйăрман.

Ачашланă вĕсене
Юратса та ырласа,
Панă пĕтĕм вăй-хала,
Вăй илме ачасене.

Иккĕшне килте çуратнă —
Çурчĕ пулман çуратма.
Асап пулнă тĕнчере,
Хĕрарăмăн ун чухне.

Чирлесессĕн те, курар,
Çĕрĕпеле çывăрман:
Ялан пулнă юнашар,
Ачипеле май таран.

Больницăна вырттарсан,
Куç пăхатчĕ ял енне —
Пит кĕтеттĕм аннене,
Тунсăхлаттăм чунăмран.

Анне килчĕ васкаса,
Ĕçĕсене пăрахса.
Пуçран шăлсан, юратса,
Эп сывалтăм вăшт кăна!

Ачи айăпа кĕрсен,
Ашшĕ пиçиххи тытсан,
Ачисене çаптарман —
Лекнĕ пиçиххи ăна!

Анне, каçарсам мана,
Эп айăплă сан умра!
Айăп пулнă ман кăна,
Лекнĕ патакки сана!

Атте панă кирлĕрен,
Тăна кĕртнĕ тĕрлĕрен.
Атте, каçарсам пире,
Айван пулнă ун чухне.

05.12.2018