Андриян Григорьевич Николаев космонавта асăнса

Чăваш халăх ПАТТĂРĔ,
Тĕнче шайне çĕклекен —
Института килмелле,
Ăна кĕтсе илмелле.

Хăвăрт чĕнчĕç аслисем,
Пачĕç кăвак хăюсем.
Алăк патĕнче тăма,
Сумлă сыхлакан пулма.

Çӳллĕ кăна алăки
Института кĕмелли.
Кĕтсе илме ПАТТĂРА,
Пирĕн унта тăмалла.

Машинăсем чаплисем,
Килсе тăчĕç тĕрлисем.
Тухрĕç хаклă хăнасем,
Васкамаççĕ-ха вĕсем.

Алăк патне, малалла,
Утрĕç пысăк ушкăнпа.
Андриян пырать малта,
Пуçласа курап ăна!

Сăнĕ çутă та таса,
Пăхать ăшă кулăпа,
Утать çирĕппĕн, вăйпа,
Хăйне ирĕккĕн туйса!

Çутă-кăвак тум-тирри,
Шарфĕ курăнать шурри.
Çутă-кăвак папахи
Генерал утать умра!

Хутăм алăка уçса,
Вĕсем çитеспе унта.
— Вам не холодно? — тесе
Ыйтрĕ УЛĂП кăшт кулса.

Вирлĕн чĕресем тапаççĕ,
Куçăмсем те йăлкăшаççĕ.
Харăссăнах: «Нет!» тесе,
Каларăмăр вĕсене!

Иртрĕç хаклă хăнасем,
Пирĕн умран, çӳлтисем.
Астумастăп малалла:
Андриян тăрать умра!

Шалта эпĕ пулайман —
Хамăр поста пăрахман!
Кайран пĕлтерчĕç пире
Космонавт сăмаххисе.

Уйăх ытла вĕçнĕрен,
Йывăр ĕçсем туманран,
Калăпне чĕре çухатнă,
Вăтăр процента чакарнă!

— Тата вĕçме космоса
Шутламастăр-и? — тесен.
— Çамрăк вĕçтĕр малалла! —
Тенĕ УЛĂП халăха.

26.08.2018