Ирлĕн-каçлăн кун килет,
Ĕмĕр малалла иртет.
Кафесенче каçсерен
Ташă-юрă янăрать.

Тĕрлĕ-тĕрлĕ çи-пуçсем,
Йăлтăр-ялтăр тумĕсем,
Хăна-вĕрле çыннисем,
Лара-тăра пĕлмеççĕ.
Акăш-макăш хускалса,
Тĕпĕрт-тапăрт тутарса,
Шăри-шари кăшкăрса,
Ташă-юрра яраççĕ.

Йăла-йĕркене пăхсан,
Çăкăр-тăварне лартсан,
Улми-çырлисе хурсан,
Сĕт-çăвĕсе кăларан.
Аш-пăшĕсе пĕçерсен,
Ĕçме-çимелли тупсан,
Выçлăн-тутлăн пулнине
Манăн эсĕ тус-тăван.

Арлă-арăмлă çынсем,
Ватти-вĕтти мĕнĕсем,
Унтан-кунтан килнисем,
Пĕр-пĕринпе лараççĕ.
Иртнĕ-кайнă ĕçсене,
Айлăн-çийлĕн çавăрса,
Шăкăл-шакăл калаçса,
Кула-кула калаççĕ.

Ылттăн-кĕмĕл аллисем,
Чăнкăр-чанкăр тухйисем,
Юрă-кĕвĕ сассисем,
Чун-чĕрене пынисем.

Çан-çурăма хускатса,
Вăй-хăвата пуçтарса,
Авкаланса-авăнса,
Хушши-хуппине мансам,
Айккăн-майккăн хускалса,
Ларма-тăма та манса,
Кĕрĕс-кĕрĕс ташласа,
Хĕпĕртеççĕ тăвансем.

Тырă-пулăна пуçтарнă,
Утă-улăма турттарнă,
Улăх-çарансе майланă,
Кунĕн-çĕрĕн ĕçченсем.
Йĕпе-сапа çитиччен,
Чăш-чаш çумăр çăвиччен,
Ирлĕн-каçлăн:кунсерен,
Тар кăларнă-çке вĕсем.

Шыв-шурĕсем лариччен,
Çил-тăман тустариччен,
Мĕн-пур ĕçе вĕçлесен,
Савăнаççĕ ял-йышсем.

Хур–кайăксем васкаса
Карти-картипе вĕçеççĕ,
«Кăрлик-кăрлик!» кăшкăрса
Кăнтăралла каяççĕ.

16.11.2018