Чăн пулнă камит

Правленине хирĕçех
Лавкка ĕçлет кунсерен,
Тавар илсе килнĕрен,
Хĕвĕшеççĕ иртенпех.

Çитсе килнĕ лавкана
Йывăç пичкепе сăра,
Унсёр пуçне каçункка,
«Московская» текенни.

Председатель пӳлĕмне
Шăппăн уçрĕ алăкне:
Якур кĕчĕ ерипен,
Кăххăмлатса майĕпен.

— Мĕн ыйтупа килтĕн-ши? —
Ыйтрĕ колхоз пуçлăхĕ.
Арçын пăхать ун çине,
Мăчлаттарать куçĕпе.

— Шурă картус, пит кĕтни,
Килнĕ лавккана хальхи,
Ăна илсе тăхăнса
Савăнтарас арăма!

Колхоз хуçи хăй патне
Бухгалтера чĕнтерет.
Якура картус илме
Кирлĕ укçа çыртарать.

Укçа илсен, савăнса,
Шӳтлет, кулкалать кăна:
Хăвăрт кăна тулалла,
Тухса вĕçет лавккана!

Вĕçлесессĕн ĕçсене,
Каять хуçа килелле.
Ял пăралкки патĕнче,
Якур выртать кĕлерсе!

Вăйлах кайнё çемçелсе,
Кайман ытла инçете.
Пит телейлĕ сăн-питпе,
Выртнă çулăн хĕрринче.

Юрласа та вăл илет,
Тĕрлĕ сасă кăларать,
Пуçĕ çара мĕскĕнĕн:
Шурă картус çуккă мĕн!

Шухăша каять хуçа,
Тинех илет ăнкарса —
Шурă картус текенни,
Пулнă кĕленче пăкки!

— Эх Якур, Якур, Якур!
Улталарăн, пăх та кур!
Халĕ санран мĕн усси?
Ӳсĕр выртан, çын кулли!

25.09.2018