Эсĕ пире, Çĕр-анне,
Вăй паратăн тĕнчипе:
Мĕн çуралсан çут çĕре
Пулăшатăн ĕмрипе.

Юхтаратăн шывсене,
Ӳстеретĕн вăрманне,
Хăвалатăн пĕлĕтне,
Хумхататăн тинĕсне.

Тĕрлĕ анлă уйсенче
Ӳстеретĕн тыррине.
Пĕтĕм вăйна пуçтарса
Кăтартатăн ыррине.

Пуян эсĕ, Çĕр-анне!
Мĕн-мĕн çук-ши сан çинче:
Пысăк кăна сăрчĕсем,
Океансем вăйлисем!

Вĕри, типĕ пуш хирсем,
Тайгасемпе чăтлăхсем,
Вĕçĕ-хĕрри курăнми
Тундрăсемпе çĕпĕрсем.

Юханшывсем вăйлисем,
Çырма-çатри çывăххи,
Çĕр айĕнчи пурлăхĕ,
Ĕмĕр курми ырлăхĕ.

Анчах хакли тĕчере
Хура çĕр пулса тăрать —
Пĕтĕм чĕрĕ чунсене,
Тăрантарса вăл тăрать.

Çакă хаклă çĕр сийне
Упрама та пĕлмелле —
Юратса та савăнса,
Ăна пăхса тăмалла.

Хыт хурапа мăянсем
Тата тĕрлĕ йывăçсем
Ан пусчĕрех анана,
Пирĕн Çĕрĕм-аннене.

03.05.2019