Ачалăха аса илни

Утмăл тăваттăмĕш çулта,
Атте лартрĕ çĕн пӳрте.
— Вăйлă! — тенĕ халăхра,
Иртнĕ-кайнă тапхăрта.

Хăма илнĕ Канашран,
Вагон çинчен пушатсан.
Йывăр пулнă ун чухне,
Тупма хăма таврашне.

Йывăр тимĕрне тупма —
Инçе çĕре каяймалла!
Челябинск таран çитме,
Чăтăм çиттĕр хуçине.

Пĕчĕк тимĕр таткине,
Çĕленĕ пĕр-пĕринпе.
Сыпнă тунă тимрине,
Пӳрт çине хумаллине.

Авнă ăна, ик енчен,
Мăлатукпа ывниччен.
Каçпа киле таврăнсан,
Тĕттĕм пулса çитиччен.

Çирĕп хăма пӳрт çумне,
Хунă майлăн, пит пĕлсе.
Вăрăм кăна тимĕрне,
Çӳле туртнă сĕтĕрсе.

Майĕпен тимĕр айне,
Хурса пынă хăмине.
Вырнаçтарсан вырăнне,
Çирĕплетнĕ тăррине.

Ылттăн кĕркунне çитсен,
Сарă çӳлçĕ тăкăнсан.
Шăлнă ăна вăрманта,
Мачча тăррине хума.

Шлакпа витнĕ çиелтен,
Хунă ăна кирлĕрен.
Урасăр тетене, куран,
Вăл та килнĕ, хăраман.

Чӳрече рамисене,
Пичче тунă тĕрлине.
Вун пиллĕкри çамрăкран,
Кам-ха кĕтнĕ ăстаран.

Кантăк лартсан, сăн кĕртсен,
Кĕнĕ пӳрте хăвăрттăн.
Нӳхреп çийĕ ăшă мар,
Хăвăртрах пӳрте кĕрер!

Утиял алăк патне,
Карнă алăк вырăнне.
Кăмакине тумалла,
Лайăх ăста тупмалла!

Хĕрĕх тенкĕ ăстана:
Кăмакашăн памалла!
Атте йăмăкĕ, Юля,
Панă кирлĕ укçана.

Тӳшек ăшне малалла:
Çĕнĕ улăм хумалла.
Ултă ачана, выртма,
Койкăсем те тумалла.

Çĕнĕ пичке тумалла:
Сăрине те лартмалла.
Шансем витĕр юхтарса,
Пичкине тултармалла.

Атте, анне çĕкленнĕ,
Вăй çитнишĕн савăннă.
Çĕнĕ вăй-хал малалла,
Тапса тăнă пурнăçра.

19.09.2018