Юля аппи (Абрамова Юлия Куприяновна) вилнĕ кунне çырнă сăвă

Çывăх тăвансем каяççĕ
Инçе çула, ĕмĕрлехе…
Чĕрере вĕсем юлаççĕ,
Асăмра ялан пулаççĕ.

Хĕвел салху курăнать,
Тӳпере вăрах шăвать,
Ĕмрипеле çутатать,
Тĕнче çинелле пăхать.

Уйăх пулать тĕрлĕрен,
Пăхать çӳлтен каçсерен,
Халĕ темшĕн пытанать,
Курăнмашкăн вăтанать.

Кăштах тайăлчĕ йăмра,
Хускатайрĕ турата.
Хурлăхлă паян вĕсем,
Пăшăлтатрĕç çулçисем.

Хăвăрт çитрĕ çил ачи,
Илтсен йывăр сăмаха,
Тĕрлĕ-тĕрлĕ таврара,
Сарчĕ йывăр хыпара.

Шăнкăр-шăнкăр шыв сасси,
Чуна уçма тăрăшать.
Анчах чунăм хурланать —
Тăванăма хĕрхенет.

Вăрманĕнчи йывăçсем,
Тайла-тайла илеççĕ,
Ассăн-ассăн кашласа,
Авăнаççĕ пуç тайса.

Уйсем, хирсем вăхчипе,
Ас илеççĕ çыннине —
Уйра пилĕк авнине,
Унта тырă вырнине.

Ялăм ларать ĕмрипе,
Пурăнать хăй йăлипе.
Хаклă çынсем çухалсан,
Хуйхăрать чунтан-вартан.

Тăван килĕм салхупа —
Мĕн пĕчĕкрен вăл ăна,
Çĕкленме те вăй пухма,
Парса тăнă ăшшине.

Хăнасене йышăнма
Уçса хунă алăкне.
Витсе хунă пусмапа,
Çутă тĕслĕ тĕкĕрне.

Тăванĕсем кунталла
Пурте килнĕ пухăнса.
Сума суса тăвана,
Инçе çула ăсатма.

Ĕмрӳ пулчĕ вăрăмми,
Мăшăр пулчĕ шанчăкли,
Ăслă пулчĕç ачусем,
Савăнтарчĕç мăнуксем.

Шăппăн кăна калаçса
Ас илеççĕ иртнине.
Унăн ăшă кăмăлне,
Унăн ырă ĕçĕсне.

03.10.2018
11:30