1969 çулта пулса иртнĕ ӑнсӑртлӑх

Ĕлĕкхи Шупашкарта
ГЭС айĕнче пулман чух,
Пулса иртрĕ пăтăрмах,
Ăс кĕртмешкĕн студента.

Вырсарникун пасарне
Утрăм почта еннелле,
Кĕпер урлă каçаспа,
Ларек ларать таварпа.

Ыхра, купăста, сухан,
Çĕрулми хитри куран.
Рюкзак ăшне тултарсан,
Патăм укçа кăларса.

Хирĕç илсен укçана
Хурас терĕм кӗсъене,
Пĕр арçын манăн алла,
Ярса тытрĕ вăйпала!

Хирĕç çаврăнтăм кăна —
Тытрĕ кăкăртан мана!
Тепĕр виççĕн, ман умра,
Пурте хатĕр çапăçма!

Хулпуççинчи рюкзака,
Ятăм майлăн аялла,
Алăсене çĕклесе,
Çапрăм аллине вăйпа!

Вĕçсе кайрĕç тӳмесем,
Пиншак çинче пулнисем!
Вĕçерĕнчĕç аллисем,
Хăвăрт сикрĕм, хăв курсам!

Тăваттăн вĕсем умра —
Эпĕ тухнă боксера!
Пуçласан патне пыма,
Ярап чышкăпа сулса!

Çывăха пыма хăраççĕ,
Таврара чупкалаççĕ:
Кĕсъере пĕрин алли,
Пулмĕ халĕ ним ырри!

Пĕр çын çукă çывăхра!
Пĕр утаççĕ аякра!
Усси пулмĕ кăшкăрсан,
Ыттисем пит хăрасан.

— Уледеркина пĕлет-ри?
Степашкина паллат-ри? —
Ыйтрăм эпĕ вĕсенчен,
Боксер тренерĕ çинчен.

Илтсен паллă çынсене,
Кăн-кан пăхрĕç ман çине,
Кайрĕç хăвăрт айккине,
Çĕтрĕç халăх хушшине.

Çынсем каллех çулпала,
Шав утаççĕ малалла!
Никам нимĕн те курман,
Пĕр сăмах та шарламан!

Хăвăн вăю çитмесен,
Чĕрӳ çирĕп мар пулсан —
Кам пулăшĕ мĕскĕне?
Тӳрех лекĕн инкеке!

19.08.2018