Ăçта хутăн сывлăхна,
Çакă укçана пула?
Шав чупатăн юталла,
Куçан унта-кунталла.

Хĕрхенмесĕрех чунна
Кăлартăн татах тарна,
Вăхăт тупмарăн канма,
Çемьепе пĕрле пулма.

Пурте чупрĕç Мукава,
Ыттисем Çĕпĕрелле —
Алра тытма укçана,
Кăшт çын пек хăвна туйма.

Авать-хурать самана,
Пĕтĕрет санпа мана.
Кăларан пĕтĕм вăйна,
Ĕлкĕрсе кăна пыма.

Канма тупман вăхăтна,
Пăхман хăвăн сывлăхне,
Пӳртне-йĕрне тумалла,
Ачасене пăхмалла.

Çĕнĕ самана хушать:
Çĕнĕрен тума килет,
Çĕнĕлле ташлаттрать,
Çĕннипе тĕлĕнтереть.

Улăштаран кантăкне,
Лартан хитре алăкне,
Сарса пыран кухнине,
Пӳртре лартан ваннине.

Кирлĕ теççĕ интернет:
Нумай япала пĕлет!
Калаçма та ĕлкĕрет,
Инçине курса илет.

Машинăсем илмелле,
Гарашне те тумалла,
Хӳмине çĕнетмелле,
Шывсене те кĕртмелле.

Ача ӳсет малалла —
Пĕтерет часах шкула,
Малалла кайма ăна,
Кирлĕ пысăкрах укçа.

Тӳлемелле налукне,
Тӳлемелле ыттине:
Шывшăн, газшăн, çутăшăн,
Тата тата ыттишĕн.

Ăçта кайса кĕмелле,
Кăна мĕнле пĕлмелле?
Ĕçре пулан кунĕпе —
Тӳлеççĕ пит юнĕпе.

30.09.2019
21:19