1953 çулта Тăвай ялĕнче чăн пулнă

Кивĕ сбербанка умне
Тĕрлĕ ĕçсене тума,
Çынсем тăнă пухăнса,
Çĕнĕ çуна пуçтарма.

Çуна тупанне авма,
Кирлĕ пулнă ăшăтма,
Шутласа вĕсем тăман —
Бензин илнĕ, хăраман.

Вăрăм четвĕрте тупса
Тулли таран тултарса,
Тайăлтарнă савăтне,
Кăшт шӳтернĕ тупанне.

Чĕртнĕ вĕри çулăмне,
Хĕртнĕ йывăç хатĕрне,
Анчах хĕртсех çитермен,
Çулăм çунса пĕтнĕрен.

«Сӳннĕ» тенĕ çулăма,
Тытнă четвĕрте алла,
Каллех тупань çинелле,
Янă безин кирлине.

Анчах хĕрнĕ япала
Хыпса илнĕ хăрушла!
Четвĕрт вара бензинпа
Пĕрĕхтернĕ çулăмпа!

Огнеметран пенĕ пек
Çулăм пĕрхĕннĕ инçе!
Пулăм пулнă вăрçă пек,
Вĕçнĕ çулăмĕ çиçсе!

Вунçиччĕри сар пике
Çуса тухнă урайне —
Ăшă кăна пулнипе,
Çӳхе тăхăннă тумне.

Çунă хыççăн витрине
Илсе тухнă картишне,
Пулнă хулĕсем çара,
Пулнă кĕписем çинçе.

Илеймен те ăнланса —
Лекнĕ çулăм ытамне!
Хурахлатса кăшкăрса
Чупса кĕнĕ каялла!

Больницăра, каçпала,
Сывпуллашнă пурнăçпа…
Тин çеç çурнă чечеке
Кайнă çулăм пĕтерсе.

Атте тăнă хуралта,
Аллă виççĕмĕш çулта.
Пулса иртнĕ вăл унта,
Куç умĕнче, йăлт тулта.

Час-часах аса илетчĕ,
Хĕрхенетчĕ чĕререн —
Ухмаххи ытти çынсен,
Хĕр ĕмĕрне пĕтерчĕ…

24.10.2018