Машинăпа хитрипе,
Кĕрӳ килчĕ çемьипе,
Хĕрĕм тухрĕ мăнукпа,
Пире курса, йăл кулса.

Ыталарĕç кăмăлтан,
Савăнчĕç чунтан-вартан.
Тухрĕç кирлĕ сăмахсем,
Уçрĕç кăмăла вĕсем.

Лăплансассăн вăхăтран,
Хĕрĕм илчĕ сăмахне:
— Сире хыпар калам-и?
Кăштах савăнтарам-и?

Манăн шăллăм çемьипе
Норвегине каймалла.
Эпир те Болгарине
Çитсе килĕпĕр пĕрне.

— Лайăх, — тетпĕр арăмпа,
Савăнатпăр сирĕнпе.
— Тата тепĕр хыпарне,
Пĕлтерем-и, çĕннине?

Сире те канма кайма,
Путевкăсем алăра!
Билечĕсем те çумра,
Кисловодскине курма!

Унта канма-сывалма,
Киле килме каялла —
Йăлтах хунă тӳлесе,
Сирĕн кайса килмелле.

Çĕнĕ тумсем туянма
Тытăр-хурăр укçана.
Кайса килĕр савăнса,
Сывлăхсене юсама?

Мĕн пĕчĕкрен çуралсан,
Эсир пăхнă кунсерен,
Пулăшнă ялан пире,
Тăма ура çинелле.

Халĕ урăх самана:
Пирĕн сире пăхмалла,
Мăнуксене ӳстерме,
Пĕрле вăя хумалла.

Сăмах уçса калама,
Пĕлеймерĕм тупата!
Тиврĕ кăнтăра кайма
Сывлăхсене сыватма.

Икĕ хутлă вагонпа
Çитсе тăтăмăр унта —
Кисловодски хĕвелпе,
Кĕтсе илчĕ хаваспа.

Пулчĕç тĕрлĕ ваннăсем,
Кирлĕ кăна массажсем,
Тĕрлĕ-тĕрлĕ тухтăрсем,
Сĕнӳ пачĕç кирлисем.

Солженицын палăкĕ
Тăрать çулăн хĕрринче,
Нумай ăслă сăмахсем,
Çырса хунă ун çине.

Колоннада патĕнче
Картинăсем хитрисем,
Нарзан галерейинче,
Сиплĕ кăна шывĕсем.

Электромобильпеле
Ухрăмăр сăртсем çине,
Розăсем ӳснĕ çĕре,
Халăх çӳренĕ çĕре.

Эльбрусăн икĕ тăрри,
Шурă пăрпа витĕнни,
Инçетренех курăнать,
Хăй патнелле йыхăрать.

Нумай кунта спортсменсем,
Чупакансем, вăйлисем.
Скандинави майĕпе
Патакпа утакансем.

Пасарсенче сутаççĕ
Тĕрлĕ йышши курăксем —
Сăртсем çинче ӳснисем,
Сиплĕ кăна пулнисем.

Кайрăмăр сăртсем çине
Пятигорскине çити.
Питĕ паллă вырăна,
Лермонтов пулнă çĕре.

Каялла килме тухсан,
Мускавалла кĕтĕмĕр —
Мăнука та куртăмăр,
Савăнăçпа тухрăмăр.

17.05.2019