Юратнă шăллăма, Горбунов Александр Егоровича аса илсе. Чехословакире, ҫарта службӑра вилнӗ.

Вăл çуркунне питĕ ир
Çиçĕм çиçрĕ кăнтăр кун,
Март варриччĕ пулмалла —
Ӑна эп астумалла.

Сасă кайрĕ кĕрлесе,
Хула тăчĕ чĕтресе:
Мĕнле усал хыпара
Илсе килчĕ хулана?

Çӳлтисем те инçетрен
Япăх хыпар ячĕç пуль?
Пĕтĕм çĕре кисретсе
Тĕлĕнтерес терĕç пуль!

Кăшт та вăхăт иртмерĕ,
Аçа çапрĕ вăйлăрах!
Килчĕ хыпар, ай-турах!
Пуринчен те хурлăрах…

Питĕ инçе, Чех енче,
Шăллăм тăнă Арминче,
Çирĕм çулхи çамрăкăн
Пĕтрĕ кунĕ паттăрăн…

15.05.2019

 

Хушса хуни.
1973-мĕш çулта, мартăн 14-мĕшĕче, Шупашкарта аслати кĕрлерĕ, аçа çапрĕ. Эпир учительсене вĕрентекен институтра 400-мĕш аудиторинче пулнă.
5-мĕш апрельте Саша шăллăм, çĕршыва хӳтĕлесе, Чех енче пуçне хучĕ. Ӑна 14-мĕш апрельте Вăрманхĕрринче пытартăмăр.
Йывăр тăпри çăмăл пултăр.

2020